gio 12.09 2019 – dom 15.09 2019

Se parla milanes

Quando

giovedì 12 settembre 2019 – domenica 15 settembre 2019

Quanto

free

Contatti

Sito web

El mè nòno, da bon mantovan, quand l’è vegnuu a Milan in cerca de fortuna, el cercava in tutt’i maner de parlà in meneghin: l’era ona manera (nò de cèrt ona mòda) per fass vorè ben, certament, ma soramaròss per sentiss pròppi vun de lor come part integrant d’ona città che l’aveva accettaa a brasc avèrt. Mè pader, nassuu a Sèst San Gioann, on poo le mastega, ma siccome in famiglia nessun le parlava, mì a parlall sont ona frana: ògni tant ghe proeuvi, ma dovaria impegnamm on poo pussee.

El blogh “Milano da Vedere”, l’ha traa in pee quatter giornad per rimètt in primm pian la parlada meneghina, tra artista dialettal, zèn e aperitiv milanes, di serad con musica e cabaret. Pòden partecipà tucc: locai, ristorant, librerii, bottegh, musèi, bibliotècch. Anca chi pòcch ch’el parlen tutt’i dì: compagn de l’Ercole, el mitich cervellee de via di Ort che in sul bancon de la bottega el gh’ha on bèll cartèll con sù scritt: “SE PARLA ANCA EL MILANES”.

Scritto da Simone Muzza (Si ringrazia Milano da Vedere per la traduzione)